Moche sorow was made of yong and old:
Line 6607
With that hir face wex all to geder cold,
helpe was ther non, reskewe ne socour,
Bothe he and she were dede withynne An owre.
Line 6610
A woofull creature was fayre lucydas,
Line 6611
To se the maner of ther departeng,
And bothe to geder in a full litill space;
So all the day alone she sate wepyng,
Line 9614
She had noo comfort of erthely [MS. etherly.] thyng,
Save euer more was ser Darell in hir mynde,
he was to hir so curtes and soo kynd.
Line 6617
Generides sent furth a messenger,
Line 6618
To telle the kyng his fader tideng,
hough ser Amelok hath yeld vppe All in fere
The Reme of ynd, and knowith hym for his kyng,
Line 6621
With petuese wordes gretly repentyng,
And of all his offence and trespace,
ffull vmbly besechyng yow of grace.
Line 6624
Off these tidengys the kyng was well apayd,
Line 6625
And toward Surre dressid hym to ride,
Thanne to the messenger right [MS. this right, the former word being marked for erasure.] yuus he seid;
'Sey to my sonne that he here abide,
Line 6628
And sette the lande in rewle on euery side,
hole to be and vnder his obeysaunce, [folio 36a]
And take it as his owen inheritaunce.'
Line 6631
Kyng auferius fell seke anon vppon,
Line 6632
Yet not withstondyng so as it myght be,
With hym he tooke his knyghtes euerychon,
The streight way toward surre rideth he,
Line 6635
And whanne that he was come in to yt cuntre,
Tydynges he hard whiche grevid hym right sore,
The quene Sereyne was dede a day before.
Line 6638
