And to Generides this ganne he say, [folio 35b]
Line 6544
like as a man had ben half in affray;
'Mercy,' quod he, 'mercy, gentill Generides,
Graunt me that I with yow may haue my pece,
Line 6547
And with your fader auferius the kyng,
Line 6548
ffor hym I haue offendid specially,
To non so moche a creature levyng,
This land I hym be raft full traytourly;
Line 6551
To god and hym I yeld me now gilty,
Pray hym of grace and ellys, I wote certayn,
My sowle shall lye in euer lastyng payn.
Line 6554
And o thyng I wold, this is the case,
Line 6555
Ye myght haue knowlage or [I] feryer goo,
Darell shall haue my doughter lucidas
In mariage, and all my land also,
Line 6558
Besechyng yow to be good lord therto,
And shewe your grace onto Serenydes,
That she may prae for yow and leve in pece.
Line 6561
And ferthermore, now I remember me,
Line 6562
how I smote yow with villany and shame,
Withynne the courte that euery man myght see,
Nought remembryng the wurchippe of your name,
Line 6565
And therfore on that side I am lame,
ffull vmbely besechyng your goodnes,
That of all this I may haue forgevenes.'
Line 6568
With that he fell in swounyng for very payn,
Line 6569
Wherof Generides had grete pitye,
And whanne he sawe he [MS. hym he.] was awake ayeyn;
'Ser Amelok,' he seid, 'now as for me,
Line 6572
All that is past shall clene forgevyn be,
And with my fader I shall make your pece,
ffor yow and also for Serenydes.
Line 6575
