And also, Darell, as for Serenydes,
Line 6513
This I beseche yow hartely,' quod he,
'That ye speke with hir that she may haue hir pece,
And so to leve in rest and it wilbe:
Line 6516
And pray Generides to speke with me,
So wold god that he were here present,
loo her is all the effecte of myn entente.'
Line 6519
To lucidas he seid in this maner;
Line 6520
'Doughter,' quod he, 'here is a nobill knyght,
his aunccetours were men of grete powre;
And of princes he is descendid full right,
Line 6523
Ye shall be his, this I haue hym be hight,
In marriage, this is the mater playn,
And of my land I say yow for certeyn.
Line 6526
And be ye so agreyd ther to,
Line 6527
And as ye think now tell me your avise.'
'Syr,' quod she, 'as it plese yow to do,
I am contente ther with in euery wise,
Line 6530
like as ye will appoynte it and devise;
In euery thing to folow your entent,
I am hooly atte your commaundment.'
Line 6533
Thanne ser Darell departid home ayeyn,
Line 6534
Vnto Generides the redy way,
And ther he told hym all to geder playn
Of ser Amelok, and in what plight he lay;
Line 6537
'And this,' quod he, 'he prayde me to say,
In vmbill wise, desireng tenderly
That ye wold come and see hym or he dye.
Line 6540
Wyth long prayour he brought hym atte last
Line 6541
Vnto ser Amelok ther as he lay,
In grete distresse musyng of tymes past,
