Syr Darell wist not of Generides,
Line 6387
B[utt] Alway demyd that [MS. that that.] it shuld be he;
To Sygrem thanne he came in to the prese,
'Sygrem,' seid he, 'tell me the very sertente,
Line 6390
What knyght is that that I may yender see?
his stede is blak; good Sygrem, tell me this,
I canne well think Generides it is.'
Line 6393
'Syr,' quod Sygrem, 'it is as ye haue rede,
Line 6394
Generides it is withoute fayle;
he come butt late and right well hath he spedd,
Wherby his honour gretly doth prevayle,
Line 6397
ffor he hath wonne kyng Gwynan in batell;
The corde is made, the mortuall werre is sese,
Betwix hym and the Sowdon All is pece.'
Line 6400
Now lith ser Amelok vppon his bed;
Line 6401
Of tyme past full sore he doth repente,
Wery and feynt, his wondys All for bled,
A basshed passyng sore in his entent,
Line 6404
And for Serenydes anon he sent,
Whiche in hir mende full gretly was dismayde;
Whanne she was come right thus to hir he seid:
Line 6407
'Madame,' quod he, 'ye vnderstonde full well,
Line 6408
Sithe I beganne to love yow first of All,
I haue my hert, my seruice, euery dele,
To yow allonly in especiall; [MS. especially.]
Line 6411
And now reasone constreyneth me to call
Vnto my mend and to my remembraunce this,
Bothe ye and I haue done ferre Amys.
Line 6414
Ye were the wyff of auferius the kyng,
Line 6415
Whiche was my very lord and souereyn,
And trayturly first Atte begynneng
