ffor vnder a trete at All aventure
Line 6355
Of ser Darell he thought he had be sure:
Butt of his werkyng ser Darell knew it well,
And so he brake his purpose euery dele.
Line 6358
Generides rode streight into the feld
Line 6359
With his knyghtes, for noo thyng wold he lette, [folio 34b]
his stede was blak, his spere and eke his sheld,
Anone with all with Sampson ther he mett;
Line 6362
Generides full fresshely on hym he sett,
Owt Atte bak he bare hym quyte and clene,
Sampsone felle down and dyed vppon the grene.
Line 6365
Thanne came ser Amelok into the prese,
Line 6366
And thought he wold a be avengyd for his sake,
Vppon the hede he smote Generides,
A quarter of his helme ther with he brake:
Line 6369
Generides ther with to hym he spak,
'Thu wend,' quod he, 'that I had lakkid sight,
ffor now I may se better thanne I myght.'
Line 6372
And thėr with all he smote ser Amelok
Line 6373
Vppon the hede, and brast [his] helme in twayn;
Downe by the cheke his ere away he strake,
All quyte and clene it felle vppon the playn;
Line 6376
And with that stroke, I say yow the certayn,
his Arme was smette fro the body clene,
So from his hors he felle vppon the grene.
Line 6379
Thanne was ser Amelok full woo begon,
Line 6380
All ouer come for angwissh and payn;
his men were ther and reskewyd hym Anon,
vppon his sheld thei brought hym home ayeyn,
Line 6383
All for wondid and sore in euery vayne:
Thanne seid he this, complayneng passing sore,
'I haue deseruyd this though it were more.'
Line 6386
