That fayre lady, that mayde Clarionas,
Line 6103
he thought to ease his hert as in this case,
And ther with all, withoute more taryeng,
Vppon the helme he smote Gwynan the kyng,
Line 6106
And the helme to brast that was good and strong,
A quarter of it fell vppon the grene,
The swerde ranne down and clave ye sheld along,
And ij fyngers he smete [MS. swete.] of quyte and clene,
Line 6110
Thanne was he bare his visage myght be sene,
All discomfeyte and all forbled Also,
That in noo wise he wist not what to do.
Line 6113
Thanne spake the kyng, and seid in yis maner,
Line 6114
'what maner a man, be ye? I prae yow say;
ffor I will fight with yow noo lenger here,
My swerd and all I yeld it vppe this daye;
Line 6117
What is your name?' quod he, 'I prae you say'
'Trewly my name,' quod he, 'I will not layn,
Generides men calle me for certayn.'
Line 6120
The kyng toke hym his swerd, and seid ayeyn,
Line 6121
'Though I have ben Ayenst yow in this case,
yet am I not blame worthy in certayn,
By yow only my fader slayn was,
Line 6124
Butt now it is for gevyn certayn yt trespas,
And this I wold desire of yow also,
In to my land that I may savely goo.
Line 6127
All this I will ensure yow be myn othe,
Line 6128
Shall I neuer the Sowdon trobill more,
hym nor his land; and for his ayris bothe,
I will be sworne like as I seid before,
Line 6131
ffor I saw neuer that day sithe I was bore [MS. born.] ,
Atte my full age and was att mannys myght,
That euer I medled with soo good a knyght.' [MS. kyng.]
Line 6134
