Anon vppon [on] huntyng rode the kyng,
Line 6009
Generides was ware therof anon,
No noyse was made nor ther was noo steryng,
To tyme the kyng and all his men were goon;
Line 6012
And whanne that thei were passid euerychon,
Generides anon hym ganne Askerye,
And bad them 'turne, for tyme it is trewly.'
Line 6015
With that the kyng his hors he turnyd then,
Line 6016
And to his knyghtes all thanne he saye,
'Serys, now is tyme to shewe that we be men,
ffor yender folk will lette vs of our way.'
Line 6019
Anone thei mette them withoute more delay,
And atte first encounteryng certayn,
kyng Gwynan had xx. of his knygthes slayn:
Line 6022
And xv more were taken furth with all,
Line 6023
Where with the kyng was greuyd passyng sore,
And sware his othe what euer shuld hym falle,
he wold suerly avenge hym therfore,
Line 6026
And in that hete, to say yow ferthermore,
Anon he ranne to lucas with a spere,
And bare hym thorough and slewe hym ther.
Line 6029
Whanne he was dede ther was grete hevynes,
Line 6030
And with Generides was full hevy chere,
Remembryng the grete love and kyndnes,
Whiche he had shewid to hym in all maner;
Line 6033
And specially whanne he was prisoner,
And by his meane the Sowdon gave hym grace,
Whanne he so long lay in prisone for Clarionas.
Line 6036
And for by cause kyng Gwynan had hym slayn,
Line 6037
To go vn quyte he thought noo wurchippe in,
And with his spere ranne toward hym ageyn,
