Generides thought wele that it was he,
Line 5820
And furth with all came rideng apace,
'Darell,' he seid, 'right welcom be ye,
What tydinges bryng yow fro Clarionas?'
Line 5823
'To telle yow,' quod he, 'I haue noo space,
Goo now on and take your seasone as [MS. at.] it is;
ffor all is well, ther is noo thyng Amysse.'
Line 5826
Full wele apayde thanne was Generides,
Line 5827
And in his mynd reioysid passing wele,
In to the feld he rode among the prece,
And in his way he mette ananyell,
Line 5830
A manly knyght, the story canne yow tell,
A wise man and sadde in euery case,
And broder onto ser Amelok he was.
Line 5833
Anon thei ranne togeder in the feld
Line 5834
With sperys sharpe, and made no more delay;
he smote Generides vppon the sheld,
The sheld to brast and fro hym fell away;
Line 5837
And as his grace and fortune was that day,
The spere ranne down by generides side,
And ellys withoute fayle ther had he dyed.
Line 5840
And furth with all [MS. all all.] or they departid yer,
Line 5841
Generides thanne smote hym so ayeyn,
That thorough owt the body ranne the spere,
And with that stroke Ananyell was slayn,
Line 5844
Down from his hors he felle vppon the playn;
And whanne ser Amelok saw all the case,
ffor his broder an hevy man he was,
Line 5847
And to ser Darell he ranne with spere & sheld;
Line 5848
Thanne lucydas was sory in hir hert,
To see them twayn togeder in ye feld,
