And as sche was comyng inward to his tent,
Line 5662
Of hir he was full gladde in his entente,
And seid, 'mayde Mirabell, benedicite;
What thyng hath brought yow into this contre?'
Line 5665
'I shall,' quod she, 'telle yow the mater playn,
Line 5666
And of my comyng heder all the case;
This fals traytour that here this day was slayn,
he came and told to my lady Clarionas,
Line 5669
That ye were weddid onto lucidas,
And on his fynger ther he brought a ryng,
Whiche she gave yow Att your both departyng.
Line 5672
For all his bost from hym I toke the ryng,
Line 5673
My lady it forsoke, she was so wroth;
The litill dog she toke that he shuld bryng;
Butt as for that,' quod she, 'I hadde them both:
Line 5676
Now haue I told yow hough the mater goth.'
And he hir thankyd right curtesly,
And hir rewardid as she was worthy.
Line 5679
'As for the ryng,' quod she, 'loo here it is;'
Line 5680
And furth with all delyueryd hym the ryng.
Generides knowe wele that it was his;
'This ryng,' quod he, 'Darell had in kepyng:
Line 5683
Wherefore,' quod he, 'me think it is a wonder thyng,
his trouth I knowe and haue don many a day,
The fawte is not in hym I dare wele say.
Line 5686
Now, fayre myrabell, go to hir ayeyn,
Line 5687
ffor this I canne vnderstonde and fele,
She will not leve noo tidyngez in sertayn,
Butt if she here yow speke, this wote I well;
Line 5690
And yet Darell will tell hir euery dele,
Yet will she geve noo credence I am sure,
Butt ye be ther, ellys to noo creature.
Line 5693
