'In all the hast,' quod Darell, 'that I canne,
Line 5631
To hir I will withoute eny more;
Generides is now an hevy man,
As for a dreme whiche trobelyd hym full sore,
Line 5634
No thyng so meche sith he was boore;
And wenyng in his dreme, this is ye case,
kyng Gwynan had weddid clarionas.
Line 5637
The Sowdon was agreyd well therto,
Line 5638
All hym thought was trew in euery thing,
Now may ye tell hym it is noo thyng soo,
And putt Away all this Imagenyng.'
Line 5641
Thanne departid thei and noo taryeng,
he went to perse and she went to ynd,
The redy way Generides to fynde.
Line 5644
Whanne she cam yer, into ye ost she went,
Line 5645
Generides to seche she ded here payn,
Atte last she founde hym in his tente,
And ther she founde that false Gusare ageyn,
Line 5648
The massenger, wherof she was full fayne;
And bothe here squyers furth with all she prayde,
'lay on handes on that false theff,' she saide.
Line 5651
Whanne he hir saw he drew hym owt aside,
Line 5652
hir comyng theder likid hym full ill;
Mirabell thanne anon hym had asspyde,
She toke hym be the hede and held hym still,
Line 5655
Thanne on that knewe hir purpose and will,
he smote Gusare so harde vppon the cheke,
That leche craft hym nede non other seeke.
Line 5658
And ther he dyed withynne a litill stounde,
Line 5659
Generides had mervell what it ment;
As he came owt Mirabell ther he founde;
