'That I shall sey, leve me withoute othe,
Line 186
This nyght is geten a sone betwix yow both,
Whiche shalbe suche, myn auctour doth expresse,
That all contres shall speke of his prowesse.
Line 189
Here may ye a byde no lenger in this place,
Line 190
ffor very trougth for causes more thanne on;
But of your shirt I must telle yow the cause,
Vppon the whiche hir terys fell vppon:
Line 193
Ther shall non wassh them owt but she alone,
Not be no maner of craft, take this of me,
But she sette handes therto it will not be.
Line 196
And now to yow, madame, thus I saye;
Line 197
Yow must departe, and I shall telle yow whye,
The kyng youre fader is right seke this day,
And lythe ner vppon the poynte to dye;
Line 200
And but ye ryde this day right hastely,
And leve aparte all other thyng therfore, [folio 2a]
Ye are not lyke to speke with hym nomore.'
Line 203
When he seid all that he thought to seye,
Line 204
Ther nedid noo displeasur to be sought;
The kyng knewe wele ther was non other way,
They must departe, and that was all his thought;
Line 207
Thenne were they bothe so ferre in sorow brought,
Be cause of ther so sodenly departeng,
They cowde not speke a word for erthely thyng.
Line 210
He toke his leve in sorowfull maner,
Line 211
hym for to be holde it was a grete pite;
And furthe he rideth with full heuy chere,
With his knyghtes to mete and it wold be:
Line 214
And at the last it happyd hym to see,
Where as they rode in a full fayre vaile,
he sporyd his hors and theder toke the way.
Line 217
