'Therof,' quod she, 'dowte ye neuer a dele,
Line 5190
Butt my conseite will I telle yow playne,
If it be so that he love yow so well,
ye shall right sone haue knowlage in sertayne,
Line 5193
your pleasur to perfourme he will be fayn;
Send for Sygrem,' quod she, 'that he may goo
To ser Darell your erand for to do.
Line 5196
And as he owith yow feith and trew seruice,
Line 5197
That of Generides he will purchase
A ryng of gold, in eny maner wise,
Whiche he in perse had of Clarionas;
Line 5200
Why and wherefore I shall tell you ye cause,
I haue a frende, a full seke creature,
Grete payn of ache allway he doth endure.
Line 5203
And by a vision it come hym too,
Line 5204
he shhuld be hoole if he the ryng myght haue;
And for certayn it were grete pite also,
That he soo soone were dolvyn in his grave,
Line 5207
If suche a ryng myght hym socour And save.
ffor the whiche doughter I yow require,
Send for Sygrem and tender this mater.'
Line 5210
To hir anon Answerd lucidas ayeyn,
Line 5211
Whiche in this mater was full Innocente;
'Madame,' quod she, 'I will putt to my payn,
In that I canne to folow your entente.'
Line 5214
Sygrem anon on this massage was sent,
And to ser Darell dede his erande soo,
The ryng to borow withoute wordes moo.
Line 5217
As for ser Darell he thought noo thyng Amys,
Line 5218
Nor he that brought the ryng, but wote ye what?
ffull ofte it hath be seide, and trew it is,
