'Syr,' quod Sygrem, 'dought not in this case,
Line 5001
If he loue not hir fader by noo maner waye,
In trowth yet hate[t]h he not lucydas.
'Why, Who is that?' quod he, 'I prae yow say.'
Line 5004
It is the mayde,' quod he, 'ye sawe to day,
And if ye will I shall a token bere
To hir anon, and bryng a trew answere.'
Line 5007
'That I beseche yow hartely,' he saide;
Line 5008
And ther with all he delyueryd hym a ryng,
'Goo now,' quod he, 'to lucydas that mayde,
With this tokyn and make noo taryeng,
Line 5011
And do your massage wele in euery thing.'
Whanne he hadde told hym all his erand playn,
In to the feld he returnyd hym ageyn,
Line 5014
And in the thikkest prece of all the place
Line 5015
he bare down Ananyell, hors and all,
The whiche was vnkyll onto lucydas;
She saw all that stondeng vppon the wall,
Line 5018
Thanne thought she this, what thing yt euer fall
Shall noman think but that I do very right,
Though I besette my loue on suche a knyght.
Line 5021
Thanne sayde she to hir moder in this wise;
Line 5022
'wote ye whiche is generides?' quod she:
'As ferre furth as I canne device,
his stede is blak, me think the same is he;
Line 5025
A noble knyght is he, in very certente:
And o thing shall I telle yow that is trew,
Myn owen vnkill now he ouer threw.
Line 5028
Ther is,' quod she, 'another knyght also,
Line 5029
his stede is whight, this wote I for certayn,
In all the ost suerly ther is no moo,
