They of the town were ware of yer comyng,
Line 4812
And toke good hede hough they made ther feld;
Among them was noo lenger abideng,
But furth they dressid them with spere and sheld
Line 4815
Owt of the town, that myght a wepon weld,
And ther thei made a feld vppon the playn,
xv thowsand to say yow for certayn.
Line 4818
It was not long or bothe the battellez mett,
Line 4819
And on that side of Auferius the kyng
Generides full fresshly on they sett,
And was the first of that encounteryng,
Line 4822
ffull wele horsyd att his likyng,
And with a spere, the story can yow tell,
he bare down a knyght callid Ananyell,
Line 4825
And broder to ser Amelok he was;
Line 4826
A semely knyght, a man of grete powre,
Generides toke Natanell [So MS. for Ananyell.] his stede,
And hym he wold a taken prisoner,
Line 4829
Thanne was ther of his felisshepe soo nere,
That saw thei hough his stede was gon
So furth with all they reskewe hym anon.
Line 4832
He had a felaw that callid was ser Amysell,
Line 4833
his sworn broder he was in sothfastnes;
Anone with all ranne to hym ser Darell,
And hym vnhorsyd ther in all the prese,
Line 4836
And in like wise so ded Generides,
ffurth on he goth and yer as the prese was most,
Syr Darell toke the stede and led hym to ye ost.
Line 4839
The toder part avaunce them anone
Line 4840
And wrothe thei were yer men were so outrayed,
kyng lamedon was ther, and formest of euerychon,
