his disshe, his claper, and all he cast awaye,
Line 4344
And harnesid hym all now ayeyn in his array:
To the garden he toke the waye [att nyght],
And tared ther as he had hir be hight.
Line 4347
Thanne Clarionas is now in grete musyng,
Line 4348
And in this case be thinkith hir full strayte,
hir purpose craftely abought to bryng,
And vterly hir seasone for to wayte;
Line 4351
Atte last she founde one of hir consaite
To whom she told here councell all in fere,
And in certayne she was a lavendere.
Line 4354
To here thanne sayde fayre Clarionas,
Line 4355
'Ye are,' quod she, 'a woman that is to trost
Of eny one that is withynne the place,
Of my councell fayne wold I that ye wist.'
Line 4358
'Att your pleasure, Madame, what euer ye list.'
Quod she ageyn, 'withoute wordes moo,
That lith in me I will be glad to do.'
Line 4361
'Ye say right wele, and as it semyth me,'
Line 4362
Quod she onto the lavender thanne ayeyn,
'I am a straunger here in this contre,
This is my mater all togeder playn;
Line 4365
The kyng, whiche is my lord and souereyn,
On hym my hert is sette, I yow be hight,
That I for gete hym not neyther day ne nyght;
Line 4368
And most I drede of eny maner thing,
Line 4369
That I to hym am noo thing in this case,
Butt be the sterrys,' quod she, 'and be my connyng,
Where euer he goo or ride in eny place,
Line 4372
I trost to god to stond so in his grace,
And in his favour lengest to endure,
Of eny other levyng creature.
Line 4375
