Thorough owt the prese anon to hir com he,
Line 4281
And Askyd Almes for seynt charite,
The ryng vppon his fynger sone she knewe;
'I shall,' thought she, 'here sum tidynggez newe.'
Line 4284
Thanne seid the quene, 'good man, whense be ye?'
'Madame,' quod he, 'o trougth I shall yow say;
In ynd I was goten in very certente,
In surre I was born, this is no nay;
Line 4288
Now come I owt of perse the redy way,
And ther I was brought vppe, I telle yow playn,
Sone [So MS.? Sene.] I was first att mannys age [certayn].
Line 4291
Ye are a lady born of that contree,
Line 4292
God hath me visite as his creature,
Besechyng yow your almes man to be.'
The quene Answeryd with countenaunce demure,
Line 4295
'Of myn Almes,' quod she, 'ye shall be sure.'
And furth with all, withoute taryeng,
She bad he shuld be brought to hir loggyng.
Line 4298
To hir chaunbyr right sone he was conueyed,
Line 4299
And ther he spake with hir hym self alone;
'Madame,' quod he, 'be ye noo thing dismayde,
Thoughe my visage be lothe to loke vppon,
Line 4302
With onys wasshyng it will away anone,
And trost that I say withoute othe,
I am your trew seruaunt Generides in sothe.'
Line 4305
'Generides!' quod she, 'nay that is not so,
Line 4306
It is to me a wonder thing to here.'
'Madame,' he saide, 'ye shall wete or ye goo,
Plese it yow to see a ryng that I haue here,
Line 4309
The whiche I had of yow, my lady dere;
And though [MS. thought.] I seme a mesell in your sight,
It is but counterfete, [MS. coumterfete.] I yow be hight.'
Line 4312
