he was not wonte hym self to be wreye;
Line 4155
Yet this to hym he seid full soberly,
'My frend,' quod he, 'ye shall knowe my councell,
I am the same withoute eny fayle.
Line 4158
Generides I hight, this is noo nay,
Line 4159
kyng auferius my fader is certayn;
Butt I am a carefull man this day,
By fortune suche before was neuer sene,
Line 4162
By a subtill and false compassing trayn,
Clarionas, my lordis doughter dere,
Vntrewly is betrayed as ye shall here.
Line 4165
It is but late sithe she was vnder sayle,
Line 4166
A knyght of Egipte, callid ser yuell,
With here is gone away withoute fayle.'
Thanne the maister seid, 'woll ye do well?
Line 4169
This galy lith not here to by ne selle;
Do now be myn avice, and hardely
With goddes grace ye shall fynde remedy.
Line 4172
This galy shalbe redy for to goo,
Line 4173
If ye will come ye shall hym ouer take.'
'Now,' quod Generides, 'late it be soo,
I prae yow hartly for cristis sake.'
Line 4176
And furth with all he did it redy make,
In all the hast possible that [MS. that that.] he may,
To shippe he goth withoute more delay.
Line 4179
And whanne they were all redy for to goo,
Line 4180
Came Natanell onto the havyns side,
his Maisters hors he brought with hym Also;
And whanne Generides hym had aspyed,
Line 4183
he prayde the maister sumwhat to Abide,
ffull wele content he was of his comang,
Anone thei putt ther horses to shippyng.
Line 4186
