'My councell is but symple, ser,' he seide;
Line 4124
'Butt as I canne I shall say myn avice:
In this havyn this galy now is layde,
I shall yow tell wherefore and in wha[t] wise;
Line 4127
I come fro Surre and fro those partis,
Kyng Auferius hath it in mariage,
And ther he lith with all his Baronage.
Line 4130
A hunderyd shippes I lift ther Also,
Line 4131
With them I was in company certayn,
And toward ynd they purpose them to goo,
To wynne kyng auferius right ageyn,
Line 4134
And of his sonnys, to say yow trew and playn,
A likely knyght on And of mannys age,
The whiche is callid Ismaell the Savage.
Line 4137
The kyng his fader hym hath gevyn fre
Line 4138
The Reme of Trace, to rule it in his hand;
And ferthermore, in very certente,
He hath a broder as I vnderstonde,
Line 4141
As good a knyght as is in eny lande,
And as it is seide I telle yow very right,
And for certayn Generides he hight.
Line 4144
After deceasse of auferius the kyng,
Line 4145
He shall haue Surre in his owne demeyn, [MS. demenyng.]
And all the Reme of ynd withoute feyning,
If fortune will that he it gete ayeyn;
Line 4148
In to this contre was myn erande playn
hym for to seche, and as I vnderstonde
Withynne few dayes he was here in this land.
Line 4151
And if ye knowe wher that I may hym fynde,
Line 4152
Now lete me wete, I prae yow hartely.'
Generides remembryd in his mynd [folio 22b]
