Generides thanne reskewid hir ayeyn,
Line 4029
Thanne was the day passid in certayn,
And nere nyght, wherefore he thought it best
Ther to abide as for on nyghtez rest.
Line 4032
'As for Generides this dare I now saye,
Line 4033
he was neuer that man, I yow ensure,
To dishonour your doughter be eny way,
Nor neuer while his liff may endure;
Line 4036
But whels he sleppe this cursyd creature
ffull trayturly with hir is goo;
ffull wele I woote it is he and no moo.'
Line 4039
To here answerd the Sowdon in this wise;
Line 4040
'Ye say full trew, it may non other be,
With his fayre wordes, full of flatrise,
he hath deseyuyd now bothe yow and me,
Line 4043
Butt where is now Generides?' quod he;
'Trewly,' quod she, 'ser, he hath take the waye
Aftur this knyght, and thus he bad me say.'
Line 4046
'What think ye best,' quod he, 'that I shall doo?'
'ffor sothe,' quod she, 'this is now myn avise;
Aftur ser yuell Generides is goo,
To take hym if he canne in eny wise;
Line 4050
And as for yow to take the enterprise,
It shall nede if his liff may endure,
he will do moche ther to I yow ensure.'
Line 4053
And as thei spake to geder he and she,
Line 4054
Came Natanell as fast as he cowde ride;
Myrabell sone perseyuyd it was he,
ffull ertely she prayde hym to abide:
Line 4057
Anon withall he reynyd his hors aside,
Thanne seid he this to Mirabell, 'I yow prae,
What is your will now pleasit yow to say.'
Line 4060
