And suche moo knyghtez as it semyd good;
Line 3777
And all sone as ser yuell vnderstode
The Sowdon was wele on warde on his way,
Vn to his shippe Iuell he sent withoute delay
Line 3780
One of his men As fast as he cowde,
Line 3781
Comaundyng them be redy euerychone;
his ij. squyers he toke them owt Aside,
'helpe that I were Armyd anon,
Line 3784
And in like wise cast your harnes vppon,
Secrely, that no man yow Aspye,
And that ye be on hors bak all redy.
Line 3787
Withoute the Cite ther shall ye abide,
Line 3788
And tary still as for a litill space.'
his hors was ther all redy for to ride,
And furth he went toward Clarionas,
Line 3791
To hir chaunber ther as hir logging was:
'Madame,' he seyde, 'my lord, your fader dere,
To yow hath sent me on a massage her.'
Line 3794
'What wold my fader? I prae yow saye,' quod she.
'Madame,' quod he, 'he hath right happy game,
Wherefore in eny wise he wold that ye
Wer [MS. Wher.] ther with hym, that ye myght haue ye same.' [folio 20b]
'Now may I goo,' quod she, 'withoute blame:'
And furth with all sche answeryd hym agayn,
'Att his pleasure to come I am right fayne.'
Line 3801
Two palfreyes anone were brought owt of ye stable,
In all the goodly hast that myght be do,
One for hir, another for Mirabill,
Bothe were sadellyd redy for to goo,
Line 3805
And furth they rode withoute wordes moo;
And as ther couenaunde was in especiall,
his ij squyers mette hym withoute the wall.
Line 3808
