Not long after ther felle suche aqueyntaunce
Line 29
Betwix the Quene and hym, that allway still
hire mynde, hyr thought, was sette to his plesaunce,
All his desire hooly for to fulfill,
Line 32
And whenne he lyste she was all atte his wille;
Gret pite that she in suche a wyse
Shuld sette hyr wurchippe atte so litill prise.
Line 35
Vppon a day the kyng for his disporte
Line 36
An huntyng went onto a fayre forest,
Whanne he was sadde to putte hym in coumfort,
he lefte his men at home bothe most and lesse,
Line 39
Save iiij or v suche as hym semyd best,
And forth he gothe ther as the hartys hye,
his houndys were oncopelyd by and by.
Line 42
An hert was fownde among the holtys hye,
Line 43
And vppe vppon his fete he was a non;
The houndys went after with a mery crye,
The kyng rode after all hym self alone,
Line 46
Tyll he hadde lost his knyghtes euerychone,
The houndes and the hert that was be fore,
Withynne a while they harde of them nomore.
Line 49
So rode he fourth as noo thyngge he rought,
Line 50
hys game was lost, his knyghtes forþe be hynde,
And specially on them was all his thought,
For houghe they were he wyste not them to fynde,
Line 53
Thus rydith he sore trobelyd in his mynde;
The day was gonne, wherefore right hertely
To god he prayd to send hym some remedy.
Line 56
And, As god wold, hym happyd in a waye,
Line 57
Whiche brought hym streyte to a goodly place;
And as his goodis is redy to purvaye
