Till he come to the ende of his Iurnay,
Line 3714
Whiche was atte after none the iiijth day:
And as it was abought the oure of three,
Ser Iuell the knyght came in to the Citee.
Line 3717
To the Sowdon full Streight he toke the way;
Line 3718
Whanne he hym sawe he spake att his device,
'Ser, please it yow,' quod he, 'that I may saye
Wherefore that I am come and [in] what wise;
Line 3721
The trougth is this to offre my seruice:
Gwynan the kyng hath bannysshed me his lande,
And for what cause ye shall wele vnderstonde.
Line 3724
His fader made a clayme to yis contre,
Line 3725
And I was euer ayenst hym in that case,
Wherefore the kyng his sonne now ha[ti]th me,
And vtterly hathe putte me from his grace.
Line 3728
here in this lande his fader slayn was,
Thanne was I trobolid sore on euery side,
In Egipte durst I not lenger abide.'
Line 3731
Ther with the Sowdon answeryd hym ayeyn:
Line 3732
'To my presence ye are will come,' quod he;
'I must of reasone tender yow certayn,
Sithe ye haue be thus wrongyd for love of me,
Line 3735
In my seruice now dayly shall ye be;
And if ye haue be trobelyd her before,
Of your pleasure now shall ye haue the more.'
Line 3738
So still opece he was ther abideng,
Line 3739
In his seruice purposyng to endure,
Passyng Ientill he was in euery thing,
And full pleasaunt to euery creature;
Line 3742
And all that was don vnder a coverture,
That what he thought ther shuld no man vnderstonde,
Of his tresone that he had take in hand.
Line 3745
