In to Egipte his body for to bryng,
Line 3588
With grete estate and honour like a kyng;
Whanne that was don with grete solempnite,
The lordes all went home in to ther contre.
Line 3591
Now late vs leue them in ther contres all,
Line 3592
In to the tyme thei were sent for ayeyn,
Whiche was not longe, and in especiall
To make Gwynan [MS. Swynan.] ther kyng and souereyn,
Line 3595
Whiche was the kyng of kyngges sone certayn,
And so thei were agreed on hym alone,
he for to Reigne vppon them euerychone.
Line 3598
And to sey yow in short conclusion,
Line 3599
Be all the hoole agrement of the lande,
Of Egipte he was kyng and bare the crown,
Thanne to them all seid he, as I wnderstonde,
Line 3602
'Suche maters as my fader toke in hande,
Towchyng the Sowdon and Clarionas,
Ye shall sone wete my plesure in this case.
Line 3605
As for the land of Perce all maner wayis,
Line 3606
I will pleynly declare yow myn entent,
My lord and fader quyte it in his dayes
Yet for all that I was not of assentt,
Line 3609
Nor noo wise I canne not be content;
And in like wise as for clarionas,
I will not be agreyd, nor neuer was.'
Line 3612
Thanne was ther a man of grete powre,
Line 3613
A knyght that was wele cherisshed with ye kyng,
he was right weel betrost both ferr and neere,
What euer he saide or dede in eny thyng,
Line 3616
A witty man, And subtill in werkyng,
Ser Yuell the Barn, the story seith he hight,
This was his name to say the very right.
Line 3619
