Vppon that side that he was hurt before:
Line 3525
he bled so meche he myght stond no more,
Butt to the grownde anon yer he felle down,
And sore for blode he lay still in swoune. [folio 19a]
Line 3528
Generides stode still and hym be [MS. he.] held,
Line 3529
And of the kyng thanne had he grete pite,
he toke hym vppe and layde hym on his sheld;
Thanne seid the kyng, softely as it wold be,
Line 3532
'haue here my swerd, I yeld it vppe to the,
As to a knyght the wordes,' [So MS.? worthiest.] he saide,
'In all my lyffe that euer I assayde.
Line 3535
Off all this land I geve vppe my quarell,
Line 3536
And so I do Clarionas also,
ffor certayn butt if she loue yow wele
She do no thyng hir part as she shuld do,
Line 3539
And this I wold require yow or ye goo,
That I myght goo ther as my pepill be,
And so to passe furth in to my contre.'
Line 3542
To hym thanne sayde Generides ayeyn,
Line 3543
'All this request I graunt it verely;'
And vppe he toke hym in his armys twayn,
And sett hym on his stede [MS. stete.] full Ientely.
Line 3546
So furth he ridith fayre and soberly;
Whanne his pepill sawe hym in that maner,
They mett hym all with a hevy chere.
Line 3549
Vppon the playn restid Generides,
Line 3550
Wery and feynte, it was noo synne to saye;
And whanne he was sum what more att his ease
Toward the Citee streyght he toke the waye.
Line 3553
They of the town knewe wele be his araye
That it was he, and glad thei were eche on,
So furth he came rideng hym self alone,
Line 3556
