And furth he goth, to sey yow for certayn,
Line 3462
To kyng Bellyng, And toke hym be the reyne.
he sporyd his hors and from hym wold haue goo; [MS. goon.]
'A bide,' quod he, 'thu shalt not skape me soo.
Line 3465
This stede,' he seith, 'hath seruyd the full wele,
Line 3466
The whiche trewly repentith me full soore,
Ayenst my will thu hast hym euerydele,
Butt now o trowth thu shalt haue hym no more,
Line 3469
This stede is myn, thu wist it wele [be]fore;
A light anon withoute wordes moo,
Or suerly I shall make the or I goo.'
Line 3472
The kyng presid fast away certayn,
Line 3473
Generides helde still the reane alway;
And so be twix the striving of them twayn,
The horse reversid bak, and ther he lay.
Line 3476
Generides anon to hym ganne say,
'Not long agoo thu haddist me in this plight,
And now I trost to god I shall the quyte.'
Line 3479
Generides his swarde toke in his hande,
Line 3480
Claryet it hight, the store tellith me so,
A better swerd ther was neuer in noo land.
The kyng arose and wold a gon hym froo,
Line 3483
ffor of his fayling ther he was full woo;
Generides was noo thyng evill apayde,
And with his swerd full fast on hym he layde.
Line 3486
The kynges sheld he made a quarter lesse,
Line 3487
The swerd is glansid down on his kne,
And ther is [? it.] brake asonder the harnes,
That all to geder bare a man myght see:
Line 3490
The kyng Bellyn was wrothe as he myght be,
he strake att hym with a full eger will,
And in the tethe he woundid hym full ill.
Line 3493
