And leyde on strokes owt of all mesure,
Line 3399
Generides sward was passing sure,
And, as the story wele remember canne,
It was a princes callid Iulyan,
Line 3402
Whiche was sumtyme of Rome the Emperour;
Line 3403
The Sowdon had it after his deceasse,
And as a tresour euery day and owre
he kept that sward in grete tendernesse,
Line 3406
And after gaue it on to generides;
So ferthermore, as I this mater feele,
Whanne eche of them had beten other wele,
Line 3409
The kyng of kynggez seid to hym ayeyn,
Line 3410
'What aylith the to fight for this mater?
A grete foly for the take the payne,
To the it towchith not in no maner;
Line 3413
I councell ther for, while thow art here,
Be come my man, and thu wilt do so
The pese shall sone be twix vs twoo.
Line 3416
I shall also in wurchippe the avaunce,
Line 3417
And largely departe with the also;
ffor meche better it lith in my puessence,
Thanne in the Sowdon powre so to do:
Line 3420
And for Clarionas I say also,
Whanne she is myn, here what I say to the,
Att thy pleasure hir shalt thu haue of me.
Line 3423
And thu wilt not do as I the saye,
Line 3424
I late the now haue knowlage vterly,
That of my hand here shalt thu dye to daye;
Troste noo lenger to my curtessy,
Line 3427
I haue entretyd the full Ientelly,
And how thu wilt be rewlid in this case,
Say ye or nay, or ye go owt of this place.'
Line 3430
