Nether he will, Madame, I telle yow playn.'
Line 3242
'Now thanne,' quod she, 'me think this is to doon;
I will send hym Gwynot my chaunberleyn,
This rede pensell I will send hym anon;
Line 3245
And or that he on the batell goon, [folio 17b]
ffor esing of my hert I will hym praye,
To speke with me to morow or to day.'
Line 3248
'That is wele doo,' quod she, 'withoute lese.'
Line 3249
Thanne chargyd she hir chaumberleyn to goo:
'hye yow,' quod she, 'onto Generides;
This rede pensell ye shall bere hym also,
Line 3252
Whiche I myself enbrowdred and no moo:
Pray hym also or he passe the Citee,
In eny wise that he will speke with me.'
Line 3255
On this massage now goth hir chaunberleyn,
Line 3256
And to Generides he takith the waye,
With hir tokyn and all hir errand playn,
In all the hast possible that he may;
Line 3259
And he also for gate nott for to say,
On hir behalf afore his departeng,
hir for to see leving all other thing.
Line 3262
Off that massage Generides was fayn,
Line 3263
And furth with all rewardid hym right well;
he sent a token on to hir ayeyn,
Bee cause that she shuld vnderstonde and fele,
Line 3266
That he had don his massage euery dele,
And ferthermore he chargid hym to say,
he wold see hir in all the hast he may.
Line 3269
Now goth Gwynot [MS. Gwynan.] vnto Clarionas,
Line 3270
And told hir what he had don that day.
Generides, whanne he had tyme and space,
