And your doughter also, Clarionas,
Line 3179
he shall do hir no maner of villanye,
Nother dishonour, whill I haue liff and space,
And ferthermore I vnderstonde trewly,
Line 3182
By ther massage declaryd opynly,
Ther shall non take of hym this enterprise,
Butt he be wele born in eny wise.
Line 3185
And to that ye shall wele knowe my councell,
Line 3186
Was neuer man herd so moche of me;
A kyngges sonne I am withoute fayle,
And my moder is a quene in certayn[te]:
Line 3189
here afterward ye shall wele know and see,
All though he be a prince of nobyll fame,
To fight with me to hym shalbe noo shame.'
Line 3192
Whanne the Sowdon perseivid his entent,
Line 3193
And herd hym wele in all that euer he sayde,
Thanne was he gladde and verily well content,
That he was of so good a knyght purveyd;
Line 3196
Yet with hym self he was nott wele apayde,
And in his mende repentid hym full sore,
That he so meche had wrongid hym before.
Line 3199
Whanne these lordes had answere in this wise,
Line 3200
One of them sayde on to Generides;
'It is well don that ye take a good avise,
Or that ye putt your self so ferre in prese,
Line 3203
To medyll with a prince that is perles;
ffor he is knowen in contres ferre and nere.'
Generides anon gave hym answere,
Line 3206
And this he sayde, in presence of them all;
Line 3207
'As for your kyng, he is a nobill knyght
I canne wele think, and so men do hym calle;
