And so to make an ende of all this werre
Line 3116
Betwix vs twayne; and if he wold not so,
I will distroye his land both nyghe and ferre,
his land and hym self where euer hee goo,
Line 3119
And for the Accompleshment Also,
Be cause I wold that it shuld be endid sone,
Withynne iiij dayes I wold that it were done.'
Line 3122
King lamadon gave answere in this case,
Line 3123
And in his speche he was som what dismayed,
This cowardly his hert and his seruice
Was to the Sowdon, what so cuer he sayde;
Line 3126
Yet not for thy his reasone furth he layde
All opynly; 'my lordes,' quod he,
'The kyng hath seid right wele as semyth me.'
Line 3129
For this cause he gaue sone his assentt,
Line 3130
That in that space a trety myght be hadde;
And as he seid all other were content,
Thanne was the kyng of kynggez passing glad,
Line 3133
And vppon these iij lordes wise and sadde
A poyntid were to goo on this massage,
Onto the Sowdon and his Baronage.
Line 3136
On of them iij of Corynth [MS. Cornyth.] was he born,
Line 3137
Callid Sampsone, the story doth expresse;
The secunde, and his ancetors be forn,
In Damask born, the writeng doth witnesse,
Line 3140
A man of wurchippe and of grete sadnesse;
The iijde was a man, to say yow right,
Of Ethiope, and Ionathas he hight.
Line 3143
Anon these lordes went on ther message,
Line 3144
Eche man A brawnche of Olyve in his hande,
In token of pece for ther viage,
