Wher with they layde on stroke[s] grete And sore.
Kyng Ermones, to say yow ferthermore,
Ser Anosore right sone he had Aspied,
And furth with all to hym he ganne ride:
Line 3024
With his wepon long and ill faryng,
Line 3025
he slew his hors and smote hym on the hede,
And in the feld he left hym liggeng,
Demyng non other butt that he was dede,
Line 3028
With Anosore ther was non other rede,
Butte vppe he rose as god wold geve hym grace,
And to his felawes furth he goth a pase.
Line 3031
Hym to a venge his thought was and his mend,
Line 3032
And sone he was vppon another stede,
Streyght he rideth to a knyght of ynde,
And with a swerd he cleue a ij his hede,
Line 3035
That in the feld he felle ther and was dede:
Whanne Ermones wist of this Aventure,
A hevy man he was I [MS. h.] yow ensur,
Line 3038
And streyght he rideth onto Generides:
Line 3039
Butt [MS. Be.] he anon was ware of his comyng,
And with a naked swerd in to the prese
Ayenst hym full fast he come rideng;
Line 3042
As sone as Ermones the kyng
Sawe that he was withynne his wepons length,
Anon he smote Att hym with all his strength.
Line 3045
His wepon light vppon Generides,
Line 3046
And brast his sheld with all in pecys twayn,
Also it ranne down quyte thorough the harnes,
A grace of god that he had not ben slayn;
Line 3049
Ther with Generydes smote hym ayeyn,
Thoroughowt the helme a hye vppon the crest,
And claue his hede streyte down to the brest.
Line 3052
