He drad no stroke of englyssh man.
Line 0605
He had a swerd of good stele:
A man myȝt not hyt bere wele.
He had a shyld full brod tho
(Was neuer non better, so must I go),
With Iren and stele all ouer-led:
Line 10610
Hyt was the devyllys as men seyd.
Many a man was of hym a-drad:
All was blake that he on had.
A spere full long he had in hond,
Many a wepun he mad be hym stond:
Line 10615
Sherpe sperys stod hym abowȝt,
And long gleyves a full gret rowȝt,
Gauelongis to cast with hys hond,
And sharp geserns, I vndyrstond,
Gret axys also with-all
Line 10620
To hewyn with yren or stelle small.
Hym-selfe was dyȝt full securly:
Men wondryd on hym tha[t] stodyn by.
NOw be they set to-gedyr thore:
Sir Gy hym dred swyfe sore.
Line 10625
He was neuer so adred of man
As he was of hym than.
Sir Gye smote hys sted full ryȝt,
To colbrond he can hym dyȝt.
Ere he myȝt com hym nere
Line 10630
He met with hym in thys manere:
Thre dartis he shote full tyte; [Caius MS. 107 page 256]
The two passyd, the thyrd gan byte.
Thorrow the shuldre the darte yode,
And thorough the hawberke, that was good:
Line 10635
Betwene hys arme and hys syd
The stroke gan awey glyde.
