Than, [The?] Duke Reyner of Cessoigne,
Line 2265
And the Erle Waldemer of Coloigne,
And with theim Conrad the Stywarde,
That good knyght was and not a-ferde.
With him to ete he theim dude,
And gretly theim he than worshipped.
Line 2270
The Duke his Suster cleped him to,
The fairest maide that on erthe might goo.
'Thise prisouners thou take to the, [Caius MS. 107 page 72]
And in thy Chambre thou kepe theim me,
. . . . .
. . . . .
And ouer all other the Duke Reyner,
Line 2277
That to me is leef and deer.'
'Sir,' she seide, 'y shall so
To kepe theim my might doo.'
Line 2280
AND THE Emperour Reyner free
Of this combraunce ne wiste he.
With a King he pleide at ches
Of Hungrye, that he loued y-wis.
With that come Terry priking,
Line 2285
And in his honde his swerde bering:
His harneis was all to-tore,
And his vomrell aualed before;
Thurgh his body the blode ranne,
And Terry made noo semblant thanne:
Line 2290
His stronge shelde all to-hewen was,
That skantly any hole pees nas.
'Emperour,' he seide, 'vnderstonde me:
Harde tydingis y telle the
Of thy Barons that taken bee;
Line 2295
Ne shall they neuere come more at the.
Some bee dede and leyde to grounde,
And some smitten with dethes wounde.
Take is the duke Reyner,
And of Coloigne the Erle Waldemer;
Line 2300
