To an heremyte he is goo,
That he was acqueynted with or thoo;
His woundes hele there he dedde
Withoute noyse in that stede;
Line 1650
For moche he dredde the Duke Otoun,
Full of hatrede and of treasoun.
NOWE THE Abbot of wom y you telle, [Caius MS. 107 page 52]
Of heraude hath grete reuthe with-all;
He lete bere his bodye
Line 1655
In-to a Chambre to vnarme lightly;
And whan they had vnarmed him
A monke behelde euery lymme.
The same monke a phisician was,
The mighte he knewe of many a gras.
Line 1660
The woundes he behelde stedefastly,
That in the body were so grisely.
By the woundes he sawe ywis
That he to deth ne wounded is,
And that [he] him hele might;
Line 1665
And so he dooth sothely aplight.
In the meane tyme, ye may me leue,
Guy was heled and toke his leue
Of the good heremyte and wente his wey
Toward Poyle right as he may.
Line 1670
To the king of Poyle he was welcome,
And that he knewe full sone.
Of siluer he bade him and of golde,
And Guy therof nought take wolde.
At euery place in turnement
Line 1675
Guy had the pris verament.
Was ther noon in all the londe,
That Guyes dyntes might withstonde.
Therfor men loued him swithe,
And vnderfange him full blithe;
Line 1680
With all good men he was leef and dere,
And therwith-all their pleyfere.
