To the see they been come,
And ouere they saille at Frome;
Come they been in-to Normandye,
Line 785
Knyghthode shewyng by and by.
At . . . . . [[Blank space in MS.]] taketh Guy herborough
With the richest of that borowgh;
Of the best they had enough,
Ne was ther noon that it with-drough;
Line 790
For they had enough euere [[read ouere?]] see,
Golde and siluer grete plentee.
GUYE HIS hoste cleped him to;
Tidinges he asked of him thoo
Where that any torment shuld bee,
Line 795
So many sheldes ledde sawe he.
'Sir,' quoth his hoste, 'ne wote ye nought
Of a torment that is bethought?'
'Noo,' quoth Guy, 'by Iesu swete,
Therof ne herde y neuere yette.'
Line 800
'Sir,' quoth his hoste, 'and ye woll duelle,
All that y wote y shall you telle:
A maide brighte and of grete pris,
(Of Almaigne the Emperours Doughter she is)
A turnement she hath doo cryde,
Line 805
I herde neuere noon suche on this side;
For there nys knyghte in all Spaigne, [Caius MS. 107 page 26]
Anone to the see of Britaigne,
That of armes aughtis named bee,
Bot there his might men shall see.
Line 810
. . . . .
. . . . .
Of euery londe thider come knyghtes,
Proude and bolde, and stronge in fightes,
. . . . .
. . . . .
And they that been of most mighte,
Grete worship they shall wynne, aplighte.
