THANNE GUY herde that tyding,
Line 675
For ioye his herte beganne to spryng;
His loue to hir anone he kaste than,
And in-to the Castell forthwith he cam;
As sone as he might it doo,
To the highe palais he gan goo:
Line 680
Of oon daie hym thoughte ten,
That he ne might see his lemman.
Whan he him felte hole and suer,
To Courte he gooth with gladde cher;
Full gladde chere they him made,
Line 685
And thanked god, and were right glade
That Guy was to Courte come: [Caius MS. 107 page 22]
Gladde they were all and some.
Before the Erle tho come Guy,
To him he kneled as to his lorde mighti;
Line 690
'Sir,' quoth Guy, 'armes y aske the,
Yf y bee worthy accepte to bee;
Yf it bee thy wille that y theim fonge,
And serue the lorde withoute wronge.'
THE ERLE Rohaud answerd thoo,
Line 695
'Blithely, Guy, sithe thou wolt so.'
The Erle dooth than apparaille
Guyes dobbing withoute faille;
He dud him dobbe richely,
And with him of his felawes twenty
Line 700
That all good barons sones were,
(For Guyes loue he dobbed theim all there)
That with the Erle Rohaud had bee longe
In seruice, armes for to fonge.
It was at the fest of the holy Trinyte,
Line 705
That the Erle dobbed Guy so free,
And other twenty for his loue,
Good knyghtis [and] barons sones, aboue.
Of riche Clothes and sendall
Was their dobbyng, thurgh-oute all;
Line 710
