[6-text p 382]
But for to kepe vs fro þat cursed place
Wakeþ and prayeþ ihesu for his grace
So kepe vs fro þe temptour Sathanas
herkneþ þis word be war as in þis cas
Line 1656
þe leoun sitte in his awayte alway
To sle þe Innocent if þat he may
Disposeþ ay ȝour hertes to wiþstonde
þe feend þat ȝou wolde make þralle and bonde
Line 1660
he may nat tempten yow ouer your might
ffor crist wille be ȝour champion and knight
And preyeþ þat þis somnour him repente
Line 1663
Of his mysdede or þat þe feend him hente
¶ Her endeþ þe ffrere his tale /
¶ Explicit
