The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                  Now broþer Gamelyn hou vnswarest þou now
                                
                                  Thou spakkest neuer suche a word as þou dost now
                                
                                  By my feythe seide Gamelyn now me þynkith nede
                                
                                  Of alle þe armes þat I haue I toke neuer ȝet hede
                                  Line 96 
                                
                                  My parkes ben broken and my dere by-reved [Sloane MS. 1685 folio 53a] 
                                
                                  Of myn armes and my stedes noght is me byleued
                                
                                  Al þat my fader me quaþ al goth to schame
                                
                                  And þerfore haue goddes curs broþer by þyn name
                                  Line 100 
                                
                                  Than spak his brother þat rape was of rees
                                
                                  Stand stille gadlyng and hold þy pees
                                
                                  Thou shalt fayne to haue þy mete and þy wede
                                
                                  What spekest þou gadlyng of lond or of lede
                                  Line 104 
                                
                                  Than seide Gamelyn þe child þat was ȝyng
                                
                                  Cristes curs mote he haue þat clepith me gadlyng
                                
                                  I am no worse gadlyng ne no worse wight
                                
                                  But borne of a lady and geten of a knyght
                                  Line 108 
                                
                                  Ne dirst he note to Gamelyn neuer a fote go
                                
                                  But clepid to him his men and saide to hem þo
                                
                                  Goth and bethet þis boy and reueth him his witte
                                
                                  And lette hym lerne an oþer tyme to vnsware me bette
                                  Line 112 
                                
                                  Then seide þe child ȝong Gamelyn
                                
                                  Cristes curs mote þou haue brother art þou myn
                                
                                  And ȝif y shal algate be beten a-noon
                                
                                  Cristes curs mote þou haue but þou be þat oon
                                  Line 116 
                                
                                  An-noon his brother in þat grete hete
                                
                                  Made his men to fette staffes Gamelyn to bete
                                
                                  When euery of hem hed a staffe nomen
                                
                                  Gamelyn was ware tho he seigh hem comen
                                  Line 120 
                                
                                  Tho Gamelyn seigh hem comen he lokid ouer all
                                
                                  And was war of a pestel stood vnder þe wall
                                
                                  Gamelyn was light and þider he can lepe
                                
                                  And droff alle his brothers men right sone on hepe
                                  Line 124 
                                
                                  And lokid as a wild lyon and layde on gode wone
                                
                                  Tho his brother sei þat he by-gan to gone
                                
                                  He fley vp in to a loft and shete þe dore fast
                                
                                  Thus Gamelyn with his pestel made hem alle a-gast

                                  Line 128

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 4
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/702

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 26, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item