APPENDIX TO GROUP A.
[THE SPURIOUS TALE OF GAMELYN.]
[Spurious Link.]
But here of I wil passe as now [Sloane MS. 1685 folio 51b] [line 11.]
And of ȝong Gamelyne I wil telle ȝou
Line 2
[Tale.]
The tale of ȝong Gamelyn
Erthen and listeneth and herkenyth a right
Line 1
And shul here of a doughty knyght
Sir Iohan de Boundys was his name
He coude of norture and of mochel game
Line 4
Thre sones þe knyght had and with his body hem wan
The eldest was a moche schrewe and sone he be-gan
His brethren loued wel her fader and of hym were a-gast
The eldist disserued his fader curs and had it at þe last
Line 8
The gode knyght his fader lyued so ȝore
That deth was comen hym to. and handelid him ful sore
The gode knyght cared sore. sike þere he lay
How his children shuld lyuen after his day
Line 12
He had ben wide where but non husbond he was
Al þe londe þat he had hit was purchas
ffayn he wold hit were dressed a-mong hem alle
That eche of hem hadde his part as it myght falle
Line 16
Tho sente he in to cuntre after wise knyghtes
To helpen delen his londes and dressen hem to rightes
He sent hem. word by lettres þai shuld hye blyue
Ȝif þei wold speke with him while he was on lyue
Line 20
