GROUP I. FRAGMENT X.
§ 1. THE BLANK-PARSON LINK. CAMBRIDGE MS.
[This is really a link between some unwritten Tale and the Parson's. It has been made into the Manciple-Parson Link (or Yeoman-Parson by the Christ-Church MS) by Chaucer's copiers, though not meant for it.]
And here folwyn the wordys of chaucer to the host [on leaf 398, back]
BY that the Manciple hadde his tale I-endid
The sunne from the south lyne was descendid
So lowe that he ne was not to myn sight
Degreis nynne & twenty as in hight
Line 4
Ten of the clok it was tho as I gesse
ffor eleuene fote or lytil more or lesse
Myn schadew was at tilke tyme as theere
Of swiche feet as in myn lenthe partede weere
Line 8
In sexe feet equal of proporcyoun
Therwit[h] the 1monys exaltacyoun1 [[1_1 over an erasure]]
I mene libra alwey gan assende
As we were enterynge at a thorpis ende
Line 12
ffor which oure host as he was wone to gye
As in this cas this Ioly cumpaynye
Seyde in this wise lordyngis euerichon
Now lakkith vs no talys mo than on
Line 16
ffulfillyd is myn sentence & myn decre
I trowe that we han herd of eche deg[r]e
Almost is fulfyld al myn ordenaunce
I preye to god so ȝeue hym righ good chaunce
Line 20
That tellyth tis tale to vs lustily
¶ Sere prest quod he art tow a vicary
Or art a Persoun sey soth by thyn fey
Be what thow be ne breke thow nat oure pleye [[leaves 399 and 400 are cut out]]
