The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                     [6-text p 514] 
                                  
                                  On whiche hym selue daunsede as hym thouȝte
                                
                                  And whanne this Maystyr that this Magik wrouȝt
                                
                                  Saw it was tyme he clapte hise handis two
                                
                                  And farweel al oure reuel was a go
                                  Line 1204 
                                
                                  And remoūuede they neuere out of the hous
                                
                                  Whil they seye al the syght meruelious
                                
                                  But in hise stodie there as hise bokys be
                                
                                  They seetyn stille & no whit but they thre
                                  Line 1208 
                                
                                  To hym his maystir callede his squyer
                                
                                  And seyde thus is redy oure  [[so altered]] soper
                                
                                  Almost an hour it is I vndyrtake
                                
                                  Sythe I ȝow bad oure soper for to make
                                  Line 1212 
                                
                                  Whan that these worthi men wentyn with me
                                
                                  In-to myne stodye there as mynne bokis be
                                
                                  Syre quod this squyer whan that it lykyth ȝow
                                
                                  It is al redy thow ȝe wele rygh now
                                  Line 1216 
                                
                                  Go we thanne suppe as for the beste
                                
                                  These amerouse folk sumtyme mote han reste
                                
                                  At aftyr soper felle they in tretee
                                
                                  What summe schulde this maysteris gerdoun bee
                                  Line 1220 
                                
                                  To remeuyn alle the rokkis of bretayne
                                
                                  And ek from Gerounde to the mount of Sayne
                                
                                  He made it straung [[first strong]]  & swor so god hym saue [folio 293b] 
                                
                                  Lasse than a thousent pound wolde he nat haue
                                  Line 1224 
                                
                                  Ne gladli [[i later]]  for that summe wolde he nat goon
                                
                                  Aurelyus with blysful herte a-noon
                                
                                  Answerde thus fy on a thousent pound
                                
                                  This wide world which that men seyn is round
                                  Line 1228 
                                
                                  I wolde it ȝeue ȝif I weere lord of it
                                
                                  This bargayn is ful drewyn for we been knyt
                                
                                  Ȝe schal been payed trewely be myn trouthe
                                
                                  But lokyth now for no necligence ne slouthe
                                  Line 1232 
                                
                                  Ȝe tarye vs no lengere than to morwe
                                
                                  Nay quod this clerk / here myn feyth to borwe
                                
                                  To bedde is goon Aurelius whan hym leste
                                
                                  And wel nygh al that nyght he hadde his reste

                                  Line 1236

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 344
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/362

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 26, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item