[6-text p 401]
That equally þe soun of it wele wende
And ek þe stynk vnto þe spokys ende
Saue þat þis worthy man þis confessour
By cause he is a man of gret honour
Line 2276
Schal han þe ferste freut as worthy is
And as þe nobele vsage ȝit of frerys is
The worthy men of hem schul ferst be servid
And serteynly he hath it wel deseruyd
Line 2280
He hath to day tauȝt vs so meche good
With prechynge in þe pulpit þere he stod
That I may vouche saf I sey for me
Line 2283
He hadde þe ferste smel of fartys thre [[Gg. 4. 27 stops]]
[And so wolde all/ his/ couent/ hardeli. [Harl. 1758 folio 113b]
He berith hym so faire & holili.
The Lorde the Ladie & euery man saf the ffrere.
Seiden that/ Iankyn spak/ well in this/ matere.
Line 2288
As/ well/ as/ Ouyde or Ptholome.
Touchyng/ the cherle thei seide that/ subtilite.
And hye witte made hym speke as/ he spak/.
He is/ no fooll/ ne no demonyak/.
Line 2292
And Iankyn hath wonne a newe gowne.
Mi tale is/ done we ben almost at/ towne.
Here/ endith the/ Sompnours/ tale/.] [[Harl. 1758 extract ends]]
