The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                     [6-text p 395] 
                                  
                                  And for despit he drank mekyl þe more
                                
                                  An hunderede part than he hadde don by-fore
                                
                                  And ryȝt a-non þis yrous cursede wreche
                                
                                  Leet þis knyȝt sone by-fore hym feche
                                  Line 2064 
                                
                                  Comaundynge hym he schulde by-fore hym stonde
                                
                                  And sodeynly he tok his bowe on honde
                                
                                  And vp þe stryng he pullede to hyse ere
                                
                                  And with an arwe he slow þe child ryȝt þere
                                  Line 2068 
                                
                                  Now wheþer haue I sekyr hand or non
                                
                                  Quod he is al myn myȝt & mynde a-gon
                                
                                  Hath wyn be-reuyd me myn eyen syth
                                
                                  What schulde I telle þe answere of þe knyȝt
                                  Line 2072 
                                
                                  His sone was slaye þere is no more to seye
                                
                                  Beth war þerfore with lordys how ȝe pleye
                                
                                  Syng placebo & I schal ȝif i can
                                
                                  But ȝif it be vnto a pore man
                                  Line 2076 
                                
                                  To a pore man men schulde his vicis telle
                                
                                  But not to a lord þow he schulde go to helle
                                
                                  Lo yrous Cyrus thilke percyen
                                
                                  How he distroyed þe Ryuer of Gyseen
                                  Line 2080 
                                
                                  ffor þat an hors of his was drenkt þerinne
                                
                                  Whan þat he wente babylonye to wynne
                                
                                  He made þat þe ryuer was so smal
                                
                                  That wemen myghte wade it oueral
                                  Line 2084 
                                
                                  Lo what seyde he þat so wel teche can
                                
                                  Ne be no felawe to an yrous man
                                
                                  Ne wyth no wood man walke by þe weye
                                
                                  Lest þe repente I wele no ferþere seye
                                  Line 2088 
                                
                                  Now thomas leue broþer lef thyn yre
                                
                                  Th[o]u schalt me fynde as Iust as is a squre
                                
                                  Hold not þe deuyll knyf ay at þyn herte
                                
                                  Thyn angyr doth þe al to sore smerte
                                  Line 2092 
                                
                                  But schewe to me al thyn confescioun
                                
                                  Nay quod þe syke man by seynt symoun
                                
                                  I haue be schryue this day at myn curat [folio 239b] 
                                
                                  I haue hym told al holy myn estat

                                  Line 2096

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 228
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/244:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 29, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item