The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                     [6-text p 387] 
                                  
                                  Haue I vp-on þis benche fare ful wel
                                
                                  Here haue I ete ful manye a murye mel
                                
                                  And fro þe bench he drof awoy þe cat
                                
                                  And leyde a-doun his potente & his hat
                                  Line 1776 
                                
                                  And ek his scryppe & sette hym softe adoun
                                
                                  His felawe was go walkede in þe toun
                                
                                  fforth with his knawe vn-to þat ostelrye
                                
                                  Where as he schop hym þe ilke nyȝt to lye
                                  Line 1780 
                                
                                  O dere maystir quod þis syke man
                                
                                  How haue ȝe fare sythe þat March be-gan
                                
                                  I saw ȝow not þis fourtenyȝt or more
                                
                                  God wot quod he laboured haue I ful sore
                                  Line 1784 
                                
                                  And sp[e]cially for thyn saluacioun [folio 235b] 
                                
                                  Haue I seyd manye a precious orisoun
                                
                                  And for oure oþere frendis god hem blysse
                                
                                  I haue to day been at ȝoure cherche at messe
                                  Line 1788 
                                
                                  And seyd a sarmoun aftyr myn symple wit
                                
                                  Nat al aftyr þe text of holy wret
                                
                                  ffor it is hard to ȝow as I suppose
                                
                                  And þerfore wele I telle ȝow al þe glose
                                  Line 1792 
                                
                                  Glosyng is a glorious thyng serteyn
                                
                                  ffor lettere sleth as we clerkis seyn
                                
                                  There haue I tauȝt hem to be charytable
                                
                                  And spende here good þere it is resonable
                                  Line 1796 
                                
                                  And þere I saw oure dame a where is sche
                                
                                  Ȝond in þe ȝerd I trowe þat sche be
                                
                                  Seyde þis man & sche wele come a-non
                                
                                  Ey maystir wolcome be ȝe by seynt Iohn
                                  Line 1800 
                                
                                  Seyde þis wif how fare ȝe hertely
                                
                                  This frere arysith vp ful curteysly
                                
                                  And hire enbraseth in hise armys narwe
                                
                                  And kysseth hire swete / & chirketh as a sparwe
                                  Line 1804 
                                
                                  With his lippis dame quod he ryȝt wel
                                
                                  As he þat is ȝoure seruaunt euerydel
                                
                                  Thankede be god þat ȝow ȝaf soule & lyf
                                
                                  ȝit saw I not þis day so fayr a wyf

                                  Line 1808

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 220
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/236

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 26, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item