and begynneth the Tale.
[Harl. MS 1758, on leaf 106, back]
LOrdyngis ther/ is in york schire as I gesse.
A merschy contre called holdernesse.
In whiche ther/ wente a lymytour/ a-boute.
To preche & eek/ to begge it is no doute.
Line 1712
And so bifell that on a daye this ffrere.
had preched at chirche in this manere.
And specially a-bouyn euery thyng.
Excited he the peple in his prechyng.
Line 1716
To trentalis & to yeue for goddis sake. [Harl. 1758 folio 107b]
Wher/-with men myghte holi housis/ make.
Ther/ as deuyne seruyse is honoured.
Nought ther/ as it is wasted & deuoured.
Line 1720
Ne there it nedith not for to be yeue.
As to possessioners that may ellis lyue.
Thanked [[h, with the tail scratcht out]] be god in wele & habundaunce.
Trentales seide he delyuerith fro penaunce.
Line 1724
Here frendes soules as well olde as yong.
Yef that thei ben hastely song.
Nought for to holde a preest ioly & gay.
he syngeth not but oo messe in a day.
Line 1728
Delyuerith out/ a man quod he the soulis.
ffull hard it is with fleschehoke or with oulis.
Now spede you hastely for cristes sake.
Line 1732
To kepe you fro peynes of fendis blake.
Line 1731
And whan the ffrere had seide alle his entente.
With Qui cum patre forth he wente.
When folke in chirche had yeue hym what hem lest.
he wente his way no lenger/ wolde he rest.
Line 1736
