The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                     [6-text p 377] 
                                  
                                  What makyth ȝow to haue al þis labour
                                
                                  fful manye a cause leue sire Somenour
                                
                                  Seyde þis fend but alle thynge hath tyme [folio 231a] 
                                
                                  The day is schort / & it is passede pryme
                                  Line 1476 
                                
                                  And ȝit ne wan I no thyng on this day
                                
                                  I wele entende to wynnyng ȝif I may
                                
                                  And noght entende oure wordis to declare
                                
                                  ffor broþer myn thyn wit is al to bare
                                  Line 1480 
                                
                                  To vndyrstonde al thow I tolde hem the
                                
                                  But for þou axsyst why laboure we
                                
                                  ffor sumtyme we ben goddys instrumentis
                                
                                  And meeuy[n] for to don hise comaundementis
                                  Line 1484 
                                
                                  Whan þat hym lyste vp-on hyse creaturys
                                
                                  In dyuerse art & in dyuerse figurys
                                
                                  With-outyn hym we haue no myȝt certeyn
                                
                                  ȝif þat him liste stande þere ageyn
                                  Line 1488 
                                
                                  And sumtyme at oure preyere han we leue
                                
                                  Only þe body but not þe soule to greue
                                
                                  [Wytnesse on Iob whom þat we · did woo
                                
                                  And some tyme haue we myȝt of bothe two [Sloane MS 1685 folio 122a] ]
                                
                                  This is to seyne of soule & body ek
                                
                                  And sumtyme be we sufferede for to sek
                                
                                  Vp-on a man & don his soule onreste
                                
                                  Noght his body & al is for þe beste
                                  Line 1496 
                                
                                  Whan he withstandith oure temptacioun
                                
                                  It is þe cause of his sauacioun
                                
                                  Al be it þat it was not oure entente
                                
                                  He schulde be saf but þat we wolde hym hente
                                  Line 1500 
                                
                                  And sumtyme be we seruauntys vn-to man
                                
                                  As to þe Erchebischop seynt Dunstan
                                
                                  And to þe apostell ek seruauaunt was I
                                
                                  ȝit telle me quod þe sumnour feythfully
                                  Line 1504 
                                
                                  Make ȝe ȝow newe bodyis þus alwey
                                
                                  Of elementis / þe fend answerde nay
                                
                                  Sumtyme we feyne & sumtyme we areyse
                                
                                  With deede bodyis in ful sundery wyse

                                  Line 1508

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 210
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/226

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 26, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item