The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                     [6-text p 352] 
                                  
                                  Styborne I was as a leonesse
                                
                                  And of myn tunge a veray Iangeleresse
                                
                                  And walke I wolde as [I] hadde don by-forn
                                
                                  ffrom hous to hous al-thow he hadde it sworn
                                  Line 640 
                                
                                  ffor whiche ofte tymys he wolde preche
                                
                                  And me olde romayn geestys teche
                                
                                  How he symplycious Gallus lafte his wyf
                                
                                  And hire for sok for terme of al his lyf
                                  Line 644 
                                
                                  Not but for o poynt he hyre say
                                
                                  Lokynge out of hyse dore vp-on a day
                                
                                  Anothir Romayn tolde he by name [folio 219b] 
                                
                                  That for hise wif was at a somer game
                                  Line 648 
                                
                                  With-outyn hyse wetynge he for-sok hire eke
                                
                                  And thanne wolde he vp-on hise bible seeke
                                
                                  That ilke prouerbe of ecclesiaste
                                
                                  Where he comaundyth & forbedyth faste
                                  Line 652 
                                
                                  Men schal not suffere here wyvis to roule a-boute
                                
                                  Thanne wolde he seye thus with-outyn doute
                                
                                  Who-so byldyth hise hous al of salwys
                                
                                  And prikyth hyse blynde hors ouere þe falewis
                                  Line 656 
                                
                                  And sufferith his wyf go sekyn halwys
                                
                                  Is worthi to been hangyn on the galwis
                                
                                  But al for nouȝt I sette nat an hawe
                                
                                  Of hise prouerbis ne of hise olde sawe
                                  Line 660 
                                
                                  Ne I nulde of hym corectede be
                                
                                  I hate hym that mynne vicis tellyn me
                                
                                  And so don mo god wot than I
                                
                                  This made hym holde me wood al outerely
                                  Line 664 
                                
                                  I nolde forbere hym in no manere cas
                                
                                  Now wele I sey ȝow soth by seynt Thomays
                                
                                  Whi that I rente out of hise bok a lef
                                
                                  ffor whyche he smot me that I was def
                                  Line 668 
                                
                                  He hadde a bok that gladly nyȝt & day
                                
                                  ffor his disport he wolde rede alway
                                
                                  He clepede it valerye & theofraste
                                
                                  At which bok he low ful faste

                                  Line 672

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 185
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/201

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 26, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item