The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

                                
                                     [6-text p 347] 
                                  
                                  Wel coude I daunce to an harpe smale [folio 217a] 
                                
                                  And synge I-wis as ony nyghtyngale
                                
                                  Whan I hadde dronke a drauȝt of swete wyn
                                
                                  Metullius þe foule clerk þe swyn
                                  Line 460 
                                
                                  That with a staf be-rafte his wif hire lyf
                                
                                  ffor sche drank wyn & I hadde been his wif
                                
                                  He schulde nat a dauntid me from drynk
                                
                                  And aftyr wyn on venus muste I thynk
                                  Line 464 
                                
                                  ffor al so sykyr as cold engenderyth hayl
                                
                                  A lycorous mouth muste han a licorous tayl
                                
                                  In woman vinolent is no defence
                                
                                  This knowyn lechourys bi experyence
                                  Line 468 
                                
                                  But lord cryst whan it remembryth me
                                
                                  Vp-on myn thout & on myn iolyte
                                
                                  It tykelith me a-boute myn herte rote
                                
                                  Vnto þis day it doth myn herte bote
                                  Line 472 
                                
                                  That I haue had myn world as In myn tyme
                                
                                  But age allas þat al wole vndyrmyne
                                
                                  Hath me be-reft myn beute & myn pith
                                
                                  Let go farewel þe deuyl go þerwith
                                  Line 476 
                                
                                  The flour is gon þere is no more to telle
                                
                                  The bren as I best can now muste I selle
                                
                                  But ȝit to ben merye wele I euere fonde
                                
                                  Now wele I telle of myn fourte husbonde
                                  Line 480 
                                
                                  I seye I hadde in herte gret dispit
                                
                                  That he of ony oþer hadde delyt
                                
                                  But he was quit by god & be seynt Ioce
                                
                                  I made hym of þe same wode a croce
                                  Line 484 
                                
                                  Nat of myn body in no foul maner
                                
                                  But serteynly I made folk swich cher
                                
                                  That in hise owene grese I made hym frye
                                
                                  ffor pure angir & for Ielouye
                                  Line 488 
                                
                                  Bi god in erþe he was in purgatorie
                                
                                  ffor whiche I hope his soule be in glorie
                                
                                  ffor god it wot he sat ful ofte & song
                                
                                  Whan þat his schon ful bittyrly him wrong

                                  Line 492

Pages

Index

About this Item

Title: The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 180
Publication: London :: Published for the Chaucer Society by K. Paul, Trench, Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8234.0001.001
Link to this scan: https://quod.lib.umich.edu/c/cme/agz8234.0001.001/196

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8234.0001.001

Cite this Item

Full citation: "The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8234.0001.001. University of Michigan Library Digital Collections. Accessed April 26, 2025.

The Cambridge ms (University library, Gg. 4.27) of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item