How þat this blisful tydyng is byfalle
And oþere tydyngis spedful for to seye
He taath þe lettere & forth he goth hise weye
Line 728
This massanger to don his auauntage [folio 204b]
Vn-to þe kyngis modyr ridyth swythe
And saluyth hire ful fare in hyre langage
Madame quod he ȝe may ben glad & blyþe
Line 732
And thankede god a hunderede thousent sythe
Myn lady quen hath child with-outyn doute
To Ioye & blysse to al þe regne a-boute
Line 735
Lo here þe letteris selede of þis thyng
That I mot bere with þe haste I may
Ȝif ȝe wele ouȝt on-to ȝoure sone þe kyng
I am ȝoure seruaunt bothe nyȝt & day
Line 739
Donegild answerede as now at þis tyme nay
But here al nyght I wele þou take þyn reste
To morwe wele I seye þe what me leste
Line 742
This massangere drank faste ale & wyn
And stole were hise letteris priuyly
Out of his box whil he slepte as a swyn
And countyrfetid was ful subtilly
Line 746
Anoþer lettere wrouȝt ful synfully [[altered]]
Vn-to þe kyng direckt of this matere
ffrom his Constabil as ȝe schal aftyr here
Line 749
The lettere spak þe quen delyuerede was
Of so orible & fendlyche cryature
That in þe castel non so hardy was
That ony while durste þere endure
Line 753
The modyr was an elf be nature
I-comyn by charmys or bi socerye
And euery wyȝt hath hire cumpanye
Line 756
