Allas Custaunce þou hast no chaumpioun
Ne fyȝte canst þou so weyle-awey
But he that starf for oure redempcioun
And bond satan & ȝit lyth þere he lay
Line 634
So be þeyn stronge champioun þis day
ffor but ȝif cryst opyn merakele kythe
With-outyn gilt þou schat ben slayn aswythe
Line 637
Sche sette hire doun on kneis & thus sche seyde
Inmortal god þat sauedist susanne
ffrom false blame & þou merciful mayde
Marye I mene douȝtyr to seynt ann
Line 641
By-forn hos child aungell synge osanne
If I be gilteles of this felonye
Myn socour be for ellis schal I deye
Line 644
Han ȝe nat seyn sumtyme a pale face
Among a pres of hym þat hath be lad
Toward hese deth where as he gat no grace
And swich a colour in hese face hath had
Line 648
Men myȝte knowe hise face þat was be-stad
Amongis alle þe facis in þat route
So stant custaunce & lokyth hire a boute
Line 651
O queenys lyuynge in prosperite
Duchesses & ȝe ladijs euerychone
Hauyth sum routhe of hire aduercite
An emperouris douȝtyr stant a-lone
Line 655
Sche hath no wyȝt to whom to make hire mone
O blood royal þat standyst in þis drede [[altered]]
ffer ben thyne frendis at thi grete nede
Line 658
This alla kyng hath swich compascioun [folio 203b]
As gentyl herte is ful fyld of pite
That from hyse eyen ran the watyr doun
Now hastyfliche do feche a bok quod he
Line 662
