Sche dryuyth forth in-to oure occian
Thour-out oure wilde see til at þe laste
Vndyr an hold þat nemenyn I ne can
ffor in northumbyrlond the wawis hire caste
Line 508
And in þe se hire schip stekede so faste
That þens ne wolde it not of al a tide
The wyl of here was þat sche schulde a-byde
Line 511
The constabele of þe Castel doun is fare
To sen þis wrak & al þe schip he souȝte
And fond þis wery woman ful of care
He fond also þe tresore þat sche brouȝte
Line 515
In hyre langage mercy sche be-souȝte
The lyf out of hire body to twynne
Hire to delyuere of woo þat sche was inne
Line 518
A maner latyn corupt was hire speche [folio 201b]
But algatis þerbi was sche vndir-stonde
The Constabele whan hym lyste no lengere seche
This woful woman brouȝte he to the londe
Line 522
Sche knelyth doun & thankyth godis sonde
But what sche was sche durste no man seye
ffor foul ne fayr thow þat sche schulde deye
Line 525
Sche seyde sche was so masede in the see
That sche forgat hire mynde by hyre [[altered]] trouthe
The cunstabele hath of hire gret pite
And ek his wif that þey wepe for routhe
Line 529
Sche was so diligent with-outyn slouthe
To serue & plese eueryche in þat place
That alle hyre louyn þat lokyn in hyre face
Line 532
This constabil & dame hermengylt his wyf
Were payenys in þat cuntrey euery where
But Ermengylt louede hire ryȝt as hire lyf
And Custaunce hath so longe soiurnede þere
Line 536
